ფოთში სკოლამდელ სააღმზრდელო დაწესებულებებში დასაქმებულებს წლის განმავლობაში ორჯერ უწევთ ერთსადაიმავე თანამდებობაზე დანიშვნის გამო განცხადების დაწერა.

უკვე ოც წელზე მეტია აფხაზეთიდან დევნილი 5 ოჯახი ხობში, სახოკიას ქუჩაზე, პირველ ნომერში, “გზამშენებელი-1”-ის კუთვნილ შენობაში გაუსაძლის პირობებში ცხოვრობს.

ფოთში საქართველოს პედაგოგთა და მეცნიერთა თავისუფალი პროფკავშირების საქალაქო ორგანიზაციის 1 კონფერენცია ჩატარდა,სადაც ორგანიზაციის თავჯდომარედ ინგა გვასალია აირჩიეს, ასევე აირჩიეს საბჭოს წევრები და ყრილობის დელეგატები.

ფოთის საქალაქო სასამართლომ არ დააკმაყოფილა მეტალურგიული ქარხნის შპს ,,მოულდს ენდ მეტალს ჯორჯია“-ს ყოფილი თანამშრომლის ამირან გამზარდიას მიერ ამავე კომპანიის წინააღმდეგ წამოწყებული შრომით დავასთან დაკავშირებული სარჩელი.

დევნილები საცხოვრებელი ბინების მიღების მოთხოვნით დაწყებული ერთკვირიანი შიმშილობის შეწყვეტის შემდეგ ფოთიდან ფეხით თბილისში გაემგზავრნენ. მათი მოთხოვნა უცვლელია.

ფოთის მე-4 საჯარო სკოლაში სწავლის პროცესი შეჩერებულია. გადაუღებელი წვიმების შედეგად სკოლის შენობა და ყველა საჭირო ინვენტარი მთლიანად დაზიანდა.

ფოთში დევნილებმა საცხოვრებელი ბინების მოთხოვნით საპროტესტო აქციები ისევ დაიწყეს. ისინი ამ მოთხოვნით რამდენიმე დღის წინაც პროტესტის უკიდურეს ზომებს მიმართავდნენ.

რედაქციაში ფოთის ბაზარში თევზის სარეალიზაციო ადგილზე არსებული პირობებით უკმაყოფილო მოქალაქეებმა დარეკეს და გვთხოვეს,დავინტერესებულიყავით საკითხით.განაწყენებული მოქალაქეები,გამყიდველების არაკეთილსინდისიერებაზეც მიუთითებდნენ.

ბოლოწლებში გახშირებული გადაუღებელი წვიმების გამო რიონმა შეიცვალა მიმართულება და სოფელ სირაჩქონის ბოლოს დამბა თითქმის წაიღო. კიდევ ერთი წყალუხვი წვიმების სეზონი და შეუბრალებელი რიონი, ალბათ, სოფელში დარჩენილ გლეხებსაც წალეკავს.

ფოთში სარსანიას ქუჩა #7 და #9 მდებარე ხუთსართულიანი სახლების მობინადრეები უკიდურესად შეწუხებულები არიან ეზოში და სახლების სარდაფში არსებული სიტუაციით.

ფოთში 28 წლის ახალგაზრდა პოლიციელმა ირაკლი ნანეიშვილმა ბაზრის ტერიტორიაზე თავი მოიკლა. როგორც თვითმხილველები ყვებიან, მან დედის თვალწინ ცეცხლსასროლი იარაღით საფეთქლის არეში ისროლა.

ჭანტურიას ქუჩაზე მდებარე მრავალსართულიანი კორპუსების მოსახლეობა სარდაფებში კანალიზაციის მილების შეკეთებასა და წყლის ამოტუმბვას წლებია ითხოვს. რედაქციაში ამ პრობლემით შეწუხებულმა მოქალქეებმა მოგვმართეს.

ელენე გვაზავას შვიდსულიანი ოჯახი უკვე წლებია უკიდურეს გაჭირვებაში ცხოვრობს. ოჯახს სოციალურად დაუცველის სტატუსი აქვს და ყოველთვიურად სახელმწიფო დახმარებას 348 ლარის ოდენობით იღებს.

ფოთში ახალ დასახლებაში სადაც საქართველოს სხვადასხვა კუთხიდან, 4 000 დევნილი ჩაასახლეს მას შემდეგ ორ წელზე მეტი გავიდა და უკვე ახალი რაიონი დაცარიელებულია. ამის უმთავრესი მიზეზი უმუშევრობაა.

ფოთის აგრარული ბაზრის გარემოვაჭრეების დახლებით ჩახერგილი ცენტრალური შესასვლელი დღემდე „აქილევსის ქუსლად“ რჩება. ბაზრის ადმინისტრაციასა და გარემოვაჭრეებს შორის ამ საკითხზე მუდმივი დავა მიმდინარეობს.